.png)
Këngëtari me origjinë shqiptare, Ermal Meta, nuk ka arritur që të triumfojë në edicionin e 71-të të Festivalit të Këngës Italiane, San Remo.
Edhe pse u pa si një nga favoritët për të fituar vendin e parë këtë vit në festivalin e njohur italian, Ermal Meta arriti të renditet i treti.
Vendin e parë e rrëmbeu grupi i rrokut Maneskin. Ndërkohë vendin e dytë arriti ta fitonte Francesca Michielin & Fedez dhe Ermal Meta arriti që të shkonte deri në shkallën e tretë të podiumit.
Këngëtari me origjinë shqiptare arriti që të renditej i pari nga votat e publikut me këngën “Un milione di cose da dirti”, por pas votimit të jurisë Meta nuk shkoi më shumë se vendi i tretë.
Grupi i rrokut Maneskin, një grup roman me energji shpërthyese, ia doli të triumfojë me këngën “Zitti e buoni”, pasi mbizotëroi skenën e Ariston dhe përmbysi çdo parashikim.
“Ne kemi bërë revolucion”, kanë shkruar në rrjetet sociale triumfuesit e këtij edicioni.
Damiano David, Victoria De Angelis, Thomas Raggi dhe Ethan Torchio e kanë magjepsur publikun me tingullin e kitarave elektrike, praninë skenike dhe pamjen rrëzëllitëse dhe me shpirtin e lirë të të njëzetave. Të rinjtë e mirë, të bukur, kanë arritur të kenë sukses në një vend si Italia që nuk shpërblen lehtë grupet.
Lindur në 2015 në Romë, grupi Maneskin arriti këtë sukses pasi fitoi vendin e dytë në “X Factor” në 2017 dhe pas një karriere që gjithashtu i pa ata të luanin nëpër kryeqytet si artistë të rrugës. Albumi i tyre debutues “Il ballo della vita”, i lancuar pas shfaqjes së talenteve, arriti sukses të madh dhe u pasua nga shitje të mëdha. Ata kanë një audiencë me të rinj, por prindërit e tyre gjithashtu shikojnë në koncertet e tyre (sidomos nënat, të magjepsura nga hijeshia e Damiano, 22 vjeç, një frontman karizmatik, i cili që nga X Factor ka filluar të shfaqë një stil të veçantë, me gjoksin e zhveshur dhe duke vallëzuar me taka në skenë.
Në garë për të rrëmbyer çmimin e parë ishin 26 këngëtarë.
Klasifikimi final:
1 – Maneskin
2 – Francesca Michielin e Fedez
3 – Ermal Meta
4 – Colapesce e Dimartino
5 – Irama
6 – Ëillie Peyote
7 – Annalisa
8 – Madame
9 – Orietta Berti
10 – Arisa
11 – La Rappresentante di lista
12 – Extraliscio feat Davide Toffolo
13 – Lo Stato sociale
14 – Noemi
15 – Malika Ayane
16 – Fulminacci
17 – Max Gazzè
18 – Fasma
19 – Gaia
20 – Coma Cose
21 – Ghemon
22 – Francesco Renga
23 – Gio Evan
24 – Bugo
25 – Aiello
26 – Random
Këtë edicion festivali i muzikës italiane u mbajt në kushte të jashtëzakonshme për shkak të pandemisë, ku pallati Ariston ishte si kurrë më parë pa publik.
Duartrokitjet e rreme, melankolia dhe distanca e sigurisë kanë qenë të pashmangshme në këtë edicion.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
