Përveç variantit britanik të Covid-19, në Maqedoninë e Veriut duket se qarkullojnë edhe dhjetëra mutacione të tjera të koronavirusit.
Ministri i Shëndetësisë Venko Filipçe ka deklaruar se situata epidemiologjike për momentin është e qëndrueshme, por ka bërë thirrje që qytetarët të jenë të kujdesshëm dhe të mbajnë maskat edhe në shtëpi.
Në një prononcim për mediat, ministri është shprehur se Maqedoni ka rreth 20 variacione të koronavirusit, duke shprehur se qeveria ka çuar dhjetëra mostra në një laborator në Berlin për t’i analizuar.
Ai tha se qytetarët duhet të jenë të kujdesshëm dhe se nëse ka përkeqësim të gjendjes epidemologjike, Qeveria do të marrë masa të reja.
“Po e ndjekim gjendjen dhe jemi të gatshëm të ndërmarrim edhe masa të reja epidemiologjike nëse ka përkeqësim. Duhet të jemi të kujdesshëm. Për momentin në spitale po shfrytëzohen vetëm 30 për qind e kapaciteteve, por presim që situata të përkeqësohet”, tha ai.
Në fund të janarit, në Maqedoninë e Veriut është shënuar viktima e parë më nga varianti britanik, pas zbulimit të dy rasteve me këtë mutacion.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
