“Të mos flasim për garën se është më mirë, le të flasim për këto 6 vitet e fundit për mua”. Kështu Sebastian Fetel, pas garës së fundit në Abu Dhabi, i ka dhënë lamtumirën Ferrarit. Mjaft i emocionuar, gjermani ka shmangur pyetjet në lidhje me vendin e 14-të në këtë garë dhe është përqendruar te largimi nga skuderia nga Maranelo.
“Ishte një ëndërr në fillim, pastaj e trishtë në fund, por jam i kënaqur për gjithçka. Më vjen keq që do të largohem nga kjo skuadër, do të më mungojë. Jam i lumtur që do të kthehem në shtëpi për të festuar Krishltindjet. Viti i ardhshëm, pa këtë Covid të mallkuar, do të jetë më i mirë. Jam i kënaqur, por edhe i trishtuar për largimin nga Ferrari”, – ka theksuar piloti gjerman.
Në fund të garës, nëpërmjet radios, Fetel ka falënderuar bashkëpunëtorët, duke kënduar këngën “Azzurro” të Adriano Çelentanos. Pastaj ka thënë: “Ju jeni skuadra e kuqe, të pasionuar dhe që nuk dorëzoheni kurrë. Ishte kënaqësi që punova me ju, kam ndjerë magjinë tuaj dhe është një ndjenjë e jashtëzakonshme. Ju falënderoj dhe ju uroj më të mirat. Ju uroj të jeni të lumtur, por mbi të gjitha të shëndetshëm”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
