2020 ka qenë padyshim një vit i zi për sportin. Shumë yje kanë ndërruar jetë për shkaqe të ndryshme, pjesa më e madhe si pasojë e COVID. Mes tyre ka emra të mëdhenj si Anastasi, Sanz dhe i fundit në radhë Diego Maradona.
17 janar: Pietro Anastasi (71 vjeç), ish-sulmues i Juventus (tre tituj kampion) e Inter. Fitoi Europianin 1968 me Italinë. 
26 janar: Kobe Bryant (41 vjeç), një nga lojtarët më të mirë në historinë e NBA, simbol i Lakers me të cilët kishte fituar 5 kampionate. Me SHBA dy medalje të arta olimpike. 
1 shkurt: Luciano Gaucci (81 vjeç), ish-presidenti i Perugias, e kishte ngjitur klubin nga Umbria në Kupën Uefa në 2003. 
20 mars: Borislav Stankovic (94 vjeç), ish-basketbollisti i Crvena Zvezda, Zeleznicar, Partizan e kombëtares Jugosllave pastaj trajner. Më pas ishte sekretar i përgjithshëm i FIBA-s e anëtar i CIO-s. Është përfshirë në Hall of Fame FIBA 
21 mars: Lorenzo Sanz (76 vjeç), presidenti i Real Madrid nga 1995 në 2000, periudhë në të cilën fitoi shtatë tituj. 
31 mars: Pape Diouf (69 vjeç), president i Marseille nga 2005 në 2009, i pari presidenti afrikan i një skuadre të futbollit europian të nivelit të lartë. 
8 Prill: Donato Sabia (57 vjeç), ish atlet. Ai mbajti rekordin si italiani më i shpejtë në 800 metra – me 1’43 “88. 
22 maj: Gigi Simoni (81 vjeç), ish-futbollist e ish-trajner i Inter (fitoi një Kupë Uefa), Lazio e Napoli (me të cilët kishte fituar një Kupë Italie si lojtar). 
2 qershor: Wes Unseld (74 vjeç), ish-qendra e Bullets, anëtar i Hall of Fame të basket e lojtari unik në historinë e Nba, bashkë me Wilt Chamberlain, që është shpallur Mvp në të njëjtin sezon, ishte 1968-69, në të cilin ishte rookie. 
18 qershor: Tibor Benedek (47 vjec), ish-vaterpolist, legjenda hungareze (tre medalje të arta olimpike) e lojtar i Roma Nuoto e Pro Recco, me të cilët fitoi 7 kampionate. 
20 qershor: Mario Corso (78 vjeç), ish-lojtar i Interit (me të cilin fitoi 4 tituj, 2 Champions dhe 2 Kupa UEFA) dhe Genoa, 23 paraqitje me ekipin kombëtar. 
26 nëntor: Diego Armando Maradona (60 vjeç), një nga lojtarët më të mëdhenj të të gjithë kohëve. Simbol i Argjentinës (me të cilët fitoi një Botëror), i Boca Juniors e Napolit (dy tituj kampionë e një Kupë Uefa), luajti edhe me Barcelonën. I mbiquajtur Pibe de Oro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
