Korriku ka rritur çmimet e shportës. Sipas të dhënave të INSTAT, ky muaj rezulton me inflacion të rritur krahasuar me të njëjtën periudhë të një viti më parë.Në muajin Korrik 2018 ndryshimi vjetor i indeksit të çmimeve të konsumit është 2,3 %, ndërsa një vit më parë ky ndryshim ishte 2,0 %.
Kurse në terma mujor, ndryshimi i indeksit të çmimeve të konsumit në Korrik 2018, krahasuar me Qershor 2018,është -0,3 %.
Rritja vjetore e çmimeve në muajin Korrik është ndikuar kryesisht nga grupi “Ushqime dhe pije joalkoolike” , “Qira, ujë, lëndë djegëse dhe energji” , “Transporti” , “Argëtim dhe kulturë” ,“Veshje dhe këpucë” , “Pije alkoolike dhe duhan” , etj.
“Shëndeti” ka kontribuar negativisht me -0,01 pikë përqindje
Në terma vjetorë grupeve kryesore që kanë ndikuar krahasuar me muajin Korrik 2017, rritja më e madhe e çmimeve vërehet në grupin “Argëtim dhe kulturë” me 4,6 %, pasuar nga grupet “Transporti” me 3,2 %. Përsa i përket ndryshimeve mujore krahasuar me muajin Qershor 2018 ulja më e madhe e çmimeve vërehet në grupin “Mobilje, pajisje shtëpie dhe mirëmbajtje” me 0,6 %, pasuar nga grupet“Ushqime dhe pije joalkoolike”, “Veshje dhe këpucë” dhe “Argëtim e kulturë” .. Por në terma vjetorë ccmimet e shportës janë rritur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
