Sot është dita me numrin më të lartë të personave të prekur nga Covid-19. Në 24 orët e fundit janë konfirmuar 42 të infektuar nga 311 testime të kryera, prej të cilave 21 raste janë në Tiranë, 9 raste në Shkodër, 4 raste në Durrës, 3 raste në Krujë, 2 raste në Lushnjë dhe nga 1 rast në Pukë, Berat dhe Ura Vajgurore.
Mjekja Marjeta Dervishi deklaroi se rastet e rreja janë kontakte, por ka edhe vatra të reja, në qytet Durrës, Berat, Pukë dhe Shkodër. Më tej mjekja cilësoi se rastet e reja në Krujë janë qytetarë që kanë marrë pjesë në ceremoni mortore. Dervishi shtoi se në 24 orët e fundit janë testuar dhe ri-testuar 80 personel mjekësor 5 prej tyre, janë shëruar 8 mjekë e infermier dhe janë shëruar 20 pacientë.
“Në spitalin infektive është shtuar numir i pacientëve. Deri më tani ka 46 persona, 8 janë në terapi intensive dhe 1 është në intubim. Aktualisht në vendin tonë janë 327 persona aktiv me Covid-19 kryesisht në Tiranë dhe Shkodër ku ka transmetime komunitare,” shtoi Dervishi.
Më tej mjekja i bëri thirrje qytetarëve se nëse kanë shenja klinike apo një i afërm i tyre ka shenja klinike, duhet të telefononi në numrin e Urgjencës Kombëtare 127.
Shpërndarja gjeografike e rasteve aktive është si vijon:
Tiranë 205
Shkodër 38
Krujë 27
Kamëz 19
Durrës 14
Mat 9
Lushnje
Tropojë 6
Korçë 2
Librazhd 1
Mallakastër 1
Lezhë 1
Pukë1
Berat 1
Ura Vajgurore 1
Manastiliu: Numri i të infektuarve dhe të shtruarve është rritur
Nëpërmjet një statusi në rrjetin social “Facebook” Manastirliu tha se kemi të prekur dhe shtim të numrit të pacientëve në Spitalin Infektiv.
“Që kur vendosëm për rihapjen, kemi ndarë me ju besimin se gjërat do të shkojnë mirë, vetëm nëse plotësohet një kusht themelor: bashkëpunimi i qytetarëve. Normaliteti i ri nuk do të jetë kurrë si ai i para Covid-19, për sa kohë që asnjë vend i botës nuk ka mundur të gjejë ende, as kurën, as vaksinën.
Për këtë arsye, asnjëri nga ne nuk mund t’i lejojë vetes që, pas rihapjes, të relaksojë dhe neglizhojë masat individuale të higjienës dhe distancimit social, apo edhe të protokolleve. Sepse kjo do të ishte një “recetë” për përhapje të shpejtë të infeksionit.
Në situatën ku ndodhemi sot, e cila ishte brenda pritshmërive tona kur planifikuam rihapjen, është e domosdoshme që gjithë secili të marrë përgjegjësitë e veta qytetare, me qëllim që të ruajë veten dhe të tjerët,” shkruan Ministrja.
Më tej Manastirliu i ka bërë thirrje qytetarëve për t’u informuar nëpërmjet institucioneve përgjegjëse shëndetësore dhe të mos ulin vigjilencën.
Brataj: Rezultatet e lirimit të masave do të dukeshin në fillim të qershorit
Ndërsa drejtori i Qendrës Kombëtare të Urgjencës Mjekësore, Skënder Brataj ka deklaruar se rezultatet e lirimit të masave në datën 18 maj do të dukeshin në fillim të qershorit. Më tej mjeku është shprehur se do të ketë një rritje të infeksionit dhe e konsideron atë fiziologjik sepse e dimë që pjesa më e madhe e qytetarëve nuk do të respektonin rregullat dhe protokollet.
“E dija që edhe personeli mjekësor nuk do t’i zbatonte rregullat! E di që njerëzit më shumë janë të çorientuar nga ky fluks informacioni i gjithanshëm. Shumë herë i dimë gjërat shumë mirë, e dimë çfarë do të ndodhë, por jemi të pa fuqishëm ta bllokojmë atë sepse nuk varet vetëm nga ne. Ju flisni me mënyrën e jetesës dhe kulturës ku jetoni, ju mendoni që çdo shqiptar do t’i përshtatet asaj! Njeriu i përshtatet vendit dhe kulturës ku jeton siç keni bërë ju. Pra le të krijojmë një kulturë mjekësore shqiptare. Shumë herë gjendem vetëm në këtë realitet, i pa kuptuar qëllimisht, shumë herë pyes veten a mjafton kaq sa kam bërë, apo ti kthehem profesionit atje ku mësova dhe jetova 25 vjet? Pyetje që do ta marrin një përgjigje, normal të gjithë jemi qenie njerëzore,” ka deklaruar Brataj, i cili e ka kaluar vetë Covid-19.
Shehu: Dështim i qeverisë, duhet strategji reale ndaj Covid-19
Ndërkohë në reagimin e tij Ish-ministri i shëndetësisë, Tritan Shehu, ka deklaruar se është faji i qeverisë që ne jemi të renditur në fund të Botës, pasi sipas tij po reagon me cinizëm dhe arrogancë përballë:
—dështimit të plote të saj edhe në baze të shifrave te të infektuarve, me të larta se kurrë.
—numrit të vogël të testimeve, që për çudi edhe rezultatet i komunikohen të testuarve vetëm nëpërmjet telefonit!
—mungesës së një strategjie e kriteresh testimesh (asnjë fjalë edhe për karakteristikat e kiteve imunologjike në përdorim, licencimit ne origjine te tyre), qe ka prodhuar atë kurbë…!!
Shehu ka shkruar se në këto kushte duhet ndërtuar nga themeli një strategji reale e bazuar edhe në konkluzionet e fundit shkencore si ai që asimptomatikët janë një burim shumë i vogël përhapej, të imunizimit 100%.
“Në teknikat e reja të testimeve duhet të synohet që:
1- Liberalizim te të dy llojeve te testimeve te tilla në të gjithë vendin për qytetarët që dëshirojnë.
2- Testim publik virusal e imunologjik për çdo qytetar me temperature mbi 37,5 ne baze te rekomandimit te mjekut te familjes.
3- Sigurim i masave mbrojtëse për të gjithë personelin shëndetësor.
4- Sigurim i maskave kirurgjikale për qytetaret.
5- Përmirësim i strukturave të terapisë intensive e spitaleve në qendër e periferi.
Por fatkeqësisht kjo qeverisje nuk ka as vullnetin e as kapacitetet për të realizuar atë që duhet,” ka shkruar më tej Shehu në rrjetin social “Facebook”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
