Në Prishtinë u mbajt sot një marshim i madh për të rritur kontrollet mjekësore dhe parandalimin kancerit të gjirit.
Në këtë marsh morën pjesë qindra persona, në mesin e të cilëve ishte edhe ish-presidentja e Kosovës, Atifete Jahjaga.
Në nëntëmujorin e parë të këtij viti, në Kosovë janë zbuluar 313 raste të reja me kancer të gjirit.
Sipas ish-presidentes Jahjaga, këtë vit është rritur numri i rasteve me kancer në gji, prandaj duhet rritur edhe ndërgjegjësimi se kjo sëmundje të parandalohet.
“Rritja e numrit të rasteve me kancer të gjirit, na bën të reflektojmë për rëndësinë e vetëdijesimit për këtë sëmundje dhe shtimin e masave parandaluese për diagnostifikimin e hershëm dhe diagnostifikimin me kohë”, tha ish-presidentja Jahjaga.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.