Nëse nuk bëni asgjë tjetër sot për të mbrojtur shëndetin tuaj, të paktën merrni parasysh matjen e duhur të belit tuaj. Ngrihuni drejt, nxirrni frymën dhe me një shirit të butë matni belin tuaj një inç ose dy mbi ije.
Rezultati ka më shumë rëndësi se çdo shqetësim që mund të keni për mënyrën se si dukeni apo si përshtatet trupi juaj në rrobat tuaja. Në përgjithësi, nëse beli juaj është 35 inç ose më shumë për femrat ose 40 inç apo më shumë për meshkujt, ka shanse që ju keni një sasi potencialisht të rrezikshme të yndyrës së barkut.
Yndyra nënlëkurore nën lekurën e barkut ose tek kofshët, vithet ose krahët e sipërme mund të jetë sfiduese për paraqitjen fizike, por është i padëmshëm. Megjithatë, yndyra e barkut më thellë – yndyra e brendshme që grumbullohet rreth organeve abdominale – është metabolikisht aktive dhe ka qenë e lidhur fort me një sërë rreziqesh serioze të sëmundjeve, duke përfshirë sëmundjet e zemrës, kancerin dhe çmendurinë.
Ju as nuk duhet të jeni mbipeshë ose obezë për t’u përballur me këto rreziqe nëse keni yndyrë të tepërt brenda barkut tuaj. Edhe njerëzit me peshë normale mund të grumbullojnë sasi të dëmshme të yndyrës së fshehur nën muret abdominalë. Për më tepër, kjo nuk është yndyrë që ju mund ta eleminoni thjesht duke bërë ushtrime për muskujt e barkut. Humbja e peshës përmes një diete të shëndetshme dhe stërvitjes – aktivitete si ecja dhe trajnim force – është e vetmja mënyrë e pagabueshme për ta hequr qafe.
Deri në mes të jetës, meshkujt zakonisht kanë një përqindje më të madhe të yndyrës viscerale sesa femrat, por modeli zakonisht ndryshon ndërsa gratë kalojnë në menopauzë. Pak femra duken sikur shpëtojnë nga zgjerimi i belit në moshë të mesme. Edhe pse në moshën 80 vjeçare mund të peshoni më pak se sa në moshën 13 vjeç, beli juaj është shumë inç më i madh.
Ja pse qelizat yndyrore janë kaq të rëndësishme për mirëqenien tuaj. Ndryshe nga qelizat yndyrore të nënlëkurës, yndyra e brendshme është në thelb një organ endokrin që sekreton hormonet dhe një numër kimikatesh të tjera të lidhura me sëmundjet që zakonisht godasin të rriturit. Një substancë e tillë quhet retinol-binding protein 4 (RBP4) që u gjet në një studim 16-vjeçar të infermierëve për rrezikun e zhvillimit të sëmundjeve koronare të zemrës. Ky rrezik ka të ngjarë të rezultojë nga efektet e dëmshme të kësaj proteine në rezistencën ndaj insulinës, pararendësin e diabetit të tipit 2, dhe zhvillimin e sindromës metabolike, një kompleks i faktorëve të rrezikut kardiak.
Studimi “The Million Women” i kryer në Britani tregoi një lidhje të drejtpërdrejtë midis zhvillimit të sëmundjes koronare të zemrës dhe një rritje në perimetrin e belit gjatë një periudhe 20-vjeçare. Edhe kur u morën parasysh faktorët e tjerë të rrezikut koronar, gjasat për zhvillimin e sëmundjeve të zemrës u dyfishuan në gratë me belet më të mëdha. Çdo dy inç shtesë në madhësinë e belit të femrave ngriti rrezikun e tyre me 10 për qind.
Rreziku i kancerit rritet gjithashtu nga yndyra e barkut. Shanset për të marrë kancerin kolorektal pothuajse u dyfishuan midis grave të postmenopauzës që grumbullojnë yndyrë të brendshme,kjo u zbuloua nga një studim koreanez. Rreziku i kancerit të gjirit rritet gjithashtu. Në një studim të më shumë se 3,000 grave para menopauzës dhe pas menopauzës në Mumbai, India, ato beli i të cilave ishte pothuajse aq i madh sa ijet e tyre u përballën me një rrezik tre ose katër herë më të madh për të marrë një diagnozë të kancerit të gjirit sesa gratë me peshë normale.
Një studim hollandez i botuar vitin e kaluar ka lidhur si yndyrën totale të trupit ashtu edhe yndyrën e barkut si faktorë të rritjes së rrezikut të kancerit të gjirit. Kur gratë në studim humbën peshë – mesatarisht rreth 12 kilogramë – ndryshimet në faktorët e e tjerë të kancerin e gjirit, si estrogjeni, leptin dhe proteinat inflamatore, treguan një zvogëlim të rrezikut të kancerit të gjirit.
Duke pasur parasysh se dy të tretat e grave amerikane janë mbipeshë ose obeze, humbja e peshës mund të jetë arma e vetme më e mirë për uljen e rrezikut të lartë të kancerit të gjirit në këtë vend.
Ndër problemet e tjera mjekësore që lidhen me yndyrën e barkut janë rezistenca e insulinës dhe rreziku i diabetit të tipit 2, funksioni i dëmtuar i mushkërive dhe dhimbje koke migrenë. Edhe rreziku i astmës rritet duke qenë mbipeshë dhe sidomos nga obeziteti i barkut, kjo u zbulua në një studim të 88.000 arsimtarëve në Kaliforni.
Mbi të gjitha, sipas rezultateve të kërkimeve për më shumë se 350.000 burra dhe gra evropiane, të publikuara në The New England Journal of Medicine, të paturit një bel të madh mund të dyfishojë rrezikun e vdekjes së parakohshme edhe nëse pesha e përgjithshme e trupit është normale.
E gjitha kjo ngre pyetjen: Cila është mënyra më e mirë për të eleminuar yndyrën e barkut dhe më e rëndësishmja, si ta shmangim akumulimin e saj në trupin tonë?
Ka shumë mundësi që ju keni parë shpesh reklama në internet për mënyrat magjike për të zvogëluar yndyrën e barkut. Para se të shpenzoni para të mira për të tilla produkte, le të themi se asnjë pilulë apo ilaç nuk është treguar shkencërisht për të shpërndarë yndyrën e barkut. Duhet të punosh me të. Dhe kjo do të thotë të evitoni ose kufizoni në mënyrë drastike substanca të caktuara në dietën tuaj, duke kontrolluar marrjen e përgjithshme të kalorive dhe duke u angazhuar në stërvitje që të digjni kalori.
Ndoshta produkti më i keq është sheqeri në të gjitha format, por sidomos fruktoza. Një nga mënyrat më të mira për të reduktuar konsumimin tuaj të sheqerit është ndalimi i pirjes së pijeve freskuese dhe pijeve të tjera të ëmbla, duke përfshirë lëngjet e frutave. Kufizimi i alkoolit është gjithashtu i dobishëm.
Sigurohuni që dieta tuaj të përmbajë sasi të mjaftueshme të proteinave dhe fibrave dietike, duke përfshirë perimet, fasulet, bizelet dhe drithërat.
Bëni gjumë të mjaftueshëm – të paktën shtatë orë në natë. Në një studim 16 vjeçar të 68,000 grave, ato që flinin pesë orë ose më pak kishin më shumë mundësi të shtonin 32 paund.
Së fundmi, lëvizni më shumë. Në një studim të madh kombëtar, pasiviteti ishte më i lidhur ngushtë me shtimin e peshës dhe obezitetin se sa marrja e kalorive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
