Presidenti amerikan, Donald Trump konfirmoi dje mbajtjen e samitit të tij historik me Kim Jong Un pasi priti në Shtëpinë e Bardhë krahun e tij të djathtë, që solli një letër personale të kreut koreanoverior.
“Ne do të takohemi më 12 qershor në Singapor”, deklaroi për median ai që do të jetë presidenti i parë amerikan në detyrë që takohet personalisht me një trashëgimtar të dinastisë Kim, që mbretëron prej 70 vitesh në veri të Gadishullit Korean.
Trump e bëri kërë deklaratë vetëm një javë pasi anuloi samitin duke kritikuar armiqësinë e Phenianit.
“Takimi me gjeneralin Kim Yong Chol kaloi shumë mirë”, shtoi ai.
“Ne biseduam për t’i dhënë fund luftës në kore”, tha Trump, ndërkohë që teknikisht ajo vazhdon 65 vite pas armisticit të vitit 1953.
Presidenti amerikan vlerësoi gjithashtu se numri një i Koresë së Veriut kishte qëllimin që të denuklearizonte vendin e tij ashtu siç e kërkon SHBA-ja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
