Shqipëria ka konfirmuar sot edhe 9 raste të reja me Covid-19, duke e çuar numrin e të infektuarve në 548 raste.
Ministria e Shëndetësisë bën të ditur se në 24 orët e fundit janë testuar 231 persona të dyshuar si bartës të virusit, ose të sëmurë me COVID-19.
Nga rastet e reja 5 i përkasin Kurbinit, 2 raste në Kukës, 1 rast në Tiranë, 1 rast në Fier. Deri në këto momente janë testuar 5311 raste të dyshuara dhe prej tyre janë të konfirmuar pozitivë me COVID-19 rreth 10% e të gjithë të testuarve.
Në njoftimin e saj, Ministria thekson se gjatë 24 orëve të fundit janë shëruar edhe 19 pacientë të tjerë, duke e çuar numrin e të shëruarve nga COVID-19 në 302. Prej disa ditësh, numri i të shëruarve brenda 24 orëve në vendin tonë është më i lartë se ai rasteve te reja.
“Aktualisht në vendin tonë janë 220 persona të infektuar aktivë, numri i të shëruarve është më i lartë, dhe kjo tendencë tashmë vazhdon pa luhatje që prej 7 ditësh. Në shërbimin infektiv aktualisht janë 35 të shtruar, 7 pacientë janë në terapi intensive. Në spitalin COVID 2 “Shefqet Ndroqi”, janë 8 pacientë të shtruar, 4 pacientë janë në terapi intensive në gjendje të rënduar, ndërsa 4 prej tyre janë në pavion. Në dy spitalet COVID aktualisht po marrin shërbim 43 pacientë”, njofton Ministria e Shëndetësisë.
Ajo thekson se vatra e infeksionit që nisi në fasonerinë e Krujës është zgjeruar. Pesë rasteve të deritanishme u shtohen edhe 5 të tjera në Kurbin. Të prekurat janë gra, që u infektuan në fasonerinë ku deri tani janë prekur edhe 3 gra të tjera nga Kruja dhe 2 nga Kurbini.
Sot janë zyrtaruar edhe dy rastet e reja në Kukës, ku të infektuarit janë familjarë të infermierit që rezultoi me COVID të martën. Më herët infermieri infektoi 4 familjarë dhe një koleg i tij, që rezultuan pozitiv me koronavirus.
Në Fier nga ana tjetër, numri i të infektuarve ka shkuar në 36 bashkë me një person që ka rezultuar pozitiv sot. Personi i dalë pozitiv, është familjar me 3 pacientët që rezultuan të prekur nga Covid 19 dy ditë më parë ku nga 5 mostra e reja të marra, 1 prej tyre doli i prekur. Të gjithë pjesëtarët e familjes dhe personat e kontaktit ndodhen tashmë në karantinë.
Shpërndarja gjeografike e rasteve pozitive, është si vijon:
- Tiranë 246 raste
- Durrës 42 raste
- Lushnje 6 raste
- Elbasan 16 raste
- Fier 36 raste
- Kavajë 9 raste
- Rrogozhinë 4 raste
- Korçë 19 raste
- Vlorë 5 raste
- Shkodër 94 raste
- Lezhë 14 raste
- Berat 2 rast
- Has 13 raste
- Krujë 11 raste
-Tropojë 4 raste
- Pukë 5 raste
- Mirditë 3 raste
- Kukës 11 rast
-Mallakastër 1 rast
- Kurbin 7 raste
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.