.png)
Pas 30 mjekëve dhe infermierëve që u nisën herën e parë për t’i shkuar në ndihmë shtetit italian gjatë pandemisë së koronavirusit të ri, 60 infermierë dhe mjekë të tjerë janë nisur disa minuta më parë në të njëjtin destinacion.
Ministrja e Shëndetësisë dhe e Mbrojtjes Sociale Ogerta Manastirliu i ka përcjellë në Rinas dhe i ka falënderuar për gatishmërinë e tyre.
“Kontributi juaj është i vyer në këtë situatë. Është momenti të tregojmë solidaritet. Të gjithë së bashku do ia dalim”, tha Manastirliu.
Mjekët dhe infermierët që do të japin kontributin e tyre në një spital në Itali, janë pjesë e 3 mijë vullnetarëve që i’u përgjigjën thirrjes së Ministrisë së Shëndetësisë dhe Mbrojtjes Sociale për t’u bashkuar në luftën kundër COVID-19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
