Në numrin e personave të infektuar janë shtuar edhe 6 raste të reja me Covid-19 dhe kështu numri total i të prekurve në Shqipëri ka shkuar në 1143.
Eugena Tomini nga ISHP, ka bërë me dije se strategjia e lehtësimit të masave do të vijojë paralelisht në një shkallë të lartë gatishmërie. Nga rastet e konfirmuara janë 4 në Tiranë, 1 rast në Durrës dhe 1 në Mat, një ndër ta edhe personel shëndetësor.
Ndërkohë Ministria e Shëndetësisë ka shpjeguar se 76 vjeçarja, por të cilën u përfol në media se ishte viktima e 34 e Covid-19 në vendin tonë, nuk ka vdekur nga virusi por nga tumori i pankreasit me metastaza hepatike
Ministria deklaroi se sipas shërbimit infektiv, pacientja ishte asimptomatike për Covid19 dhe ishte transferuar nga shërbimi i mjekësisë interne ku rezultoi batëse me Covid19. Pacientja ka ndërruar jetë nga sëmundja e tumorit të pankreasit.
“Aktualisht po trajtohen 28 të prekur në spitalin infektiv, nga të cilët 3 janë në terapi intensive, njëri prej tyre është i intubuar. Në 24 orët e fundit janë shëruar 5 qytetarë, duke e çuar në 877 numrin e të shëruarve. Nga fillimi i epidemisë janë kryer mbi 16 mijë testime molekulare dhe serologjike. Që nga fillimi i epidemisë janë 1143 rast e të konfirmuara. Aktualisht janë 233 persona aktivë me COVID19, kryesisht ne Tiranë, Durrës dhe Krujë. Nga sot do të fillojë lehtësimi më i madh i masave që nga fillimi i epidemisë, me heqjen e të gjitha kufizimeve të lëvizjes, me hapjen e kufijve tokësorë dhe një seri aktivitetesh të tjera. Do të vijojnë të jenë të ndaluara aktivitetet dhe grumbullimet masive që konsiderohen me risk të larte për përhapjen e Covid19,” u shpreh Tomini.
Më tej ekspertja e shërbimit të epidemiologjisë theksoi se është në dorën e qytetarëve kontrolli i situatës epidemiologjike. Ajo bëri thirrje ehe një herë që të mos neglizhohen shenjat e sëmundjes dhe të personat që kanë simptoma të kontaktojnë menjherë në nurmin e urgjencës kombëtare 127, ndërsa për informacion apo këshillim psikologjik të tlefonojnë në linjën e gjelbër 0800 40 40.
Shpërndarja gjeografike e rasteve aktive është si vijon:
Tiranë 147 raste
Durrës 28 raste
Krujë 17 raste
Shkodër 10 raste
Kamëz 10 raste
Mat 9 raste
Lushnje 6 raste
Berat 2 raste
Fier 2 raste
Korçë 1 rast
Librazhd 1 rast
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.