Ekonomia Globale e nisi 2018-ën me nota optimiste, duke zëvendësuar tkurrjen e 2017-ës në prodhimin global dhe tregtinë. Me humbjen e besimit të biznesit në parashikimet për ekonominë globale, si rrjedhojë edhe rritja u tkurr.
Arsyeja e kësaj humbjeje në momentin për të cilin flasim është pasojë e implementimit të tarifave doganore nga ekonomitë e mëdha—veçanërisht e SHBA-ve—dhe masat respektove të marra prej vendeve të tjera, përfshirë Kinën. Rritja e retorikës proteksionisten tregti është përkthyer në pasiguri të lartë për politikat tregtare, të cilat peshojnë në vendimmarrjet për investimet e ardhshme.
Pavarësisht këtyre veprimeve, ekonomia amerikane është zgjeruar me një ritëm të shpejtë në 2018, pas shkurtimit të taksave dhe shpenzimet rritën kërkesën e stimuluar. Rezerva Federale amerikane për pasojë ka vazhduar të rrisë normat e interesit. Normat e interesit për obligacionet amerikane afatgjatë janë rritur më pak, pasi investitorët nuhasin riskun e rritjes në të ardhmen dhe vlerësojnë sigurinë e letrave me vlerë të Thesarit amerikan.
Me rritjen e ekonomisë amerikane dhe normave të interesit, kjo ekonomi i ka tejkaluar ekonomitë e tjera të mëdha dhe dollari amerikan është më i vlerësuar kundrejt monedhave të tjera në 2018.
Disa tregje vulnerabël të ekonomive në zhvillim, kanë qenë nën presion pasi dollari amerikan ka fituar terren dhe niveli i riskut që investitorët global financiar ishin përgatitur për të pranuar ra. Shumica e këtyre vendeve kanë parë rritje në kostot e huamarrjeve të tyre të brendshme, por shtrirja e këtyre rritjeve ndryshon gjerësisht.
Si do të jetë ecuria e ekonomisë globale në 2019? Prisni deri më 21 janar, kur Agjensia e Zhvillimit Ekonomik Botëror do të paraqesë këndvështrimin e FMN-së mbi zhvillimin e ekonomisë globale.
*Burimi: FMN
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.