.png)
Inspektorati Shtetëror Shëndetësor i Gjirokastrës ka mbyllur dy fasoneri të cilat operonin duke mos respektuar kushtet elementare të protokollit AntiCovid.
Vdekja nga Covid-19 e një gruaje 40-vjeçare nga Lazarati si pasojë e koronavirusit e cila ishte punonjëse në një prej fasonerive që sot u mbyll, ka qenë shkaku kryesor i mbylljes, pasi pronari nuk kishte siguruar masat mbrojtëse. Të dy fasoneritë do të qëndrojnë të mbyllura në një afat të pacaktuar.
Sipas kreut të ISHSH Gjirokastër Edi Sinojmeri, masat janë drastike dhe kanë për synim mbrojtjen e shëndetit të personave të tjerë të paprekur dhe njëkohësisht këto masa do të avancojnë edhe më tej me gjoba ndaj pronarëve të këtyre fasonerive ku punojnë gjithsej 300 gra.
40-vjeçarja e infektuar me COVID-19, ishte e shtruar prej disa ditësh në spital pasi gjendja e saj ishte rënduar, ndërkohë ende nuk dihet nëse ka pasur sëmundje bashkëshoqëruese.
Qarku i Gjirokastrës sipas Ministrisë së Shëndetësisë është zonë e kuqe për sa i përket vatrave të infeksionit, ku raportohet të jenë 266 raste aktive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
