.png)
Qeveria më në fund vendosë tu japë pensionistëve 3 mijë lekë për fundvit.
Nga ky bonos mbi pensionin mujor përfitojnë 663 mijë 227 qytetarë.
Ministrja e Financave Anila Denaj në një konferencë për shtyp u shpreh se fondi i akorduar për pensionistët ëhtë nga kursimet dhe “Vonesa e deklarimit nuk ka qenë se nuk e kishim prioritet bonusin e pensionistëve, por me nodhjen e tërmetit dhe rishikimin e buxhetit duhet të bënim mirë llogaritë”.
Ministrja u shpreh se ende nuk ka një plan rindërtimi, ai po shihet nga ministri i sapoemëruar. Fondi për rindërtimin nga buxheti i 2020 është planifikuar 20 mld lekë.
Përsa i përket bizneseve të prekura, ajo u shpreh se do të jenë pjesë e planit të masave dhe po mendohet eleminimi i disa gjobave apo penaliteteve që do të përcaktohen pas datës 20.
Falja, u shpreh ministrja Denaj, nuk do ishte praktika më e mirë, por do ta shohim hap pas hapi se si do të veprojmë.
“Do konsiderojmë se si do të jetë rimëkëmbja. Jemi në kontakt të vazhdueshëm me Dhomat e Tregtisë të cilat do të sugjerojnë një plan masash për rimëkëmbjen. Po bëhet analizë e detajuar e të gjitha nevojave.”- tha Denaj.
Që nga nesër Ministria e Financave sëbashku me INSTAT do të jnë në terren për të kryer një anketim tek bizneset me qëllim që të mësojnë në detaje pasojat e tërmetit tek ata; që nga dëmet e godinave, ndaljen e prodhimit, mungesat e punonjësve që kanë ndikura tek mbarëvajtja e veprimtarisë së tyre.
Gjithashtu një inventive tjetër për bizneset e prekura do të jetë konsiderimi i humbjeve nga tërmeti si shpenzime të zbritshme, përtej kufijve që përcakton ligji.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
