.png)
Në 24 orët e fundit, epidemiologët kanë konfirmuar edhe 21 raste të reja me Covid-19 në vendin tonë, ndërkohë 15 prej pacientëve të shtruar tashmë janë shëruar.
Drejtoresha e ISHP, Albana Fico ka deklaruar se prej të prekurve 1 person është personel shëndetësor dhe 2 janë fëmijë, të cilët nuk kanë shfaqur simptoma.
“Në shërbimin infektiv aktualisht janë 43 të shtruar. 7 pacientë janë në terapi intensive, ndërsa 2 prej tyre janë të intubuar. Në spitalin COVID 2 “Shefqet Ndroqi”, janë 9 pacientë të shtruar. 7 pacientë janë në terapi intensive, ndërsa 5 prej tyre janë të intubuar. Në dy spitalet COVID aktualisht po marrin shërbim 52 pacientë. Harta e të prekurve nga COVID-19 zgjerohet në Tiranë me 6 raste, Shkodër 13 raste, Durrës me 1 rast dhe Hasi me 1 rast,” shprehet Fico.
Që prej 9 marsit kur u zbulua rasti i parë me Covid-19 janë testuar 4070 raste të dyshuara dhe prej tyre janë të konfirmuar pozitivë me Covid-19, 467 raste. Betejën me këtë sëmundje e kanë humbur deri tani 23 qytetarë.
Fico tha se rastet e identifikuara së fundmi, janë kontakte të rasteve të mëparshme të prekura me COVID-19, ndërkohë shpërndaja gjeografike e rasteve pozitive vijon.
- Tiranë 221 raste
- Durrës 42 raste
- Lushnjë 6 raste
- Elbasan 15 raste
- Fier 32 raste
- Kavajë 8 raste
- Rrogozhinë 4 raste
- Korçë 17 raste
- Vlorë 5 raste
- Shkodër 70 raste
- Lezhë 14 raste
- Berat 2 rast
- Has 13 raste
- Krujë 6 raste
-Tropojë 4 raste
- Pukë 5 raste
- Mirditë 3 raste
Fico deklaroi gjithashtu që duhet të respektohet distancimi social dhe zgjerimi i fashës së orareve është një lehtësim që kërkon përgjegjësi, për të respektuar distancën dhe ruajtjen e higjienës personale. Gjithashtu ekspertja theksoi se duhet të respektohen rregullat edhe brenda rretheve familjare dhe nëse qytetarët kanë simptoma të sëmundjes të telefonojnë numrin e urgjencës 127, në të kundërt nëse kërkojnë informacion të telefonojnë 08004040.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
