Në 24 orët e fundit kanë ndërruar jetë 2 persona. Një 81-vjeçar nga Shkodra dhe një 63 vjeçar nga Elbasani, të shtruar prej ditësh me një sërë sëmundjesh bashkëshoqëruese. Mjekja Flutra Beqo deklaroi se gjatë 24 orëve të fundit janë konfirmuar 90 raste të reja.
“Aktualisht janë të shtruar 81 pacientë në spital, 11 pacientë janë në terapi intensive në gjendje serioze dhe 5 prej tyre janë të intubuar në gjendje të rënde. Fatkeqësisht dy qytetarë nuk e kanë fituar dot betejën me sëmundjen në spitalin infektiv. Shpërndarja gjeografike e rasteve të konfirmuara sot vijon: 36 raste në Tiranë, 15 në Durrës, 11 në Vlorë, nga 8 raste në Kukës, Krujë, 4 në Kurbin, 3 në Elbasan, 2 në Lushnje, nga 1 rast në Lezhë, Kamëz, Dibër. Në 24 orët e fundit janë shëruar 43 qytetarë, duke e çuar në 1875 numrin e të shëruarve që nga fillimi i epidemisë. Në vendin tonë aktualisht janë 1318 persona aktivë me COVID19, kryesisht në Tiranë, Shkodër, Krujë, Durrës,”u shpreh Beqo.
Mjekja në tej i rikujtoi qytetarët dhe bizneset të ruajnë distancën sociale dhe nëse kanë shenja të sëmundjes të izolohen dhe të kontaktojnë menjherë në numrin 127 të Urgjencës Kombëtare. Beqo deklaroi se duhet mbajtur maska për të mbrojtur veten dhe të tjerët dhe nëse kanë nevojë për të komunikur me mjekun e familjes të kontaktojnë në numrin 0800 40 40.
Shpërndarja gjeografike e rasteve aktive sipas qarqeve:
Tiranë 529
Durrës 229
Shkodër 169
Vlorë 120
Lezhë 65
Fier 41
Kukës 40
Elbasan 34
Korçë 32
Berat 24
Dibër 18
Gjirokastër 17
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.