.png)
Gjatë 24 orëve të fundi janë raportuar 2 raste të reja me Covid-19 në vendin tonë, duke cuar në total 948 numrin e të prekurve. Eugena Tomini nga ISHP, ka bërë me dije se sot është numri më i ulët ditor i të prekurve që nga fillimi i epidemisë.
“Rastet e reja janë kontakte të personave që tashmë rezultojnë pozitivë, ndërkohë që po vazhdon hetimi epidemiologjik aktiv në terren.
Marrja në kohë e masave për distancimin fizik, vetizolimi i ndërgjegjësuar, masat e higjienes personale dhe respiratore patën peshën kryesore ne shfaqjen e një kurbe epidemike të butë në vend. Deri më sot janë kryer mbi 12,500 testime dhe janë konfirmuar pozitivë me COVID-19 në të gjithë vendin 948 qytetarë. Prej tyre, rreth 77% janë të shëruar. Në vendin tonë aktualisht janë 190 persona aktivë, kryesisht ne Tiranë, Durrës Krujë, Shkodër,” shprehet Tomini.
Më tej ekspertja e ISHP, bëri me dije se gjendja në spitale është e qëndrueshme me 15 pacientë të shtruar dhe 3 prej tyre janë në terapi intensive.
Tomini deklaroi se duke u lehtësuar masat dhe zgjerimi i fashës orare, ekspozimi ndaj infeksionit mund të rritet më shumë dhe është përgjegjësi e individëve të kujdesen për veten dhe të tjerët.
Më tej ekspertja bëri thirrje për qytetarët që të jenë të kujdesshëm të mos neglizhojnë shenjat e sëmundjes Covid-19 dhe të telefonojnë numrin 127, ndërsa për informacion apo këshillim psikologjik të telefonojnë numrin 0800 40 40.
Shpërndarja gjeografike e rasteve aktive vijon:
Tiranë 69 raste
Krujë 44 raste
Durrës 31 raste
Shkodër 15 raste
Kamëz 12 raste
Berat 10 raste
Fier 4 raste
Elbasan 2 raste
Kurbin 1 rast
Mirditë 1 raste
Korçë 1 rast
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
