Të shtunën janë konfirmuar 15 raste të reja pozitivë me Covid-19. Shifra zyrtare është konfirmuar nga ana e zv.ministres së Shëndetësisë, Mira Rakacolli, e cila në një dalje publike për median bëri të ditur se janë kryer 111 testime për rastet e dyshuara për koronvirius. Në total numri i të infekturve është 212 nga nga 1436 teste të kryera në të gjithë vendin. Nga kjo sëmundje kanë humbur jetën 10 qytetarë, ndërsa janë shëruar 40 persona në gjithsej, pastaj shtatë raste të shënuara në 24 orët e fundit.
"Në shërbimin infektiv aktualisht janë 76 të shtruar. Prej tyre 6 janë në terapi intensive nga të cilët 4 janë të intubuar. Pjesa tjetër e të shtruarve në pavion janë në gjendje të stabilizuar deri në këto momente. Harta e të prekurve nga COVID-19 është shtrirë tashmë edhe në Mirditë dhe zgjerohet në Tiranë, Fier dhe Durrës, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit", u shpreh
Sa i përket shpërndarjes gjeografike, hartës së të prekur i shtohet edhe Mirdita. Ndërsa numri më i lartë i të prekurve i përkasin rretheve Tiranë, Fier, Korçë dhe Durrës.
"Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital! Për ankesat që keni merrni numrin e telefonit 127 për ankesat që kanë të bëjnë me gjendje sëmundje dhe nurmin 0800 40 40 kur kërkoni informacion ose kur kërkoni informacion jo vetëm për sëmundjen COVID por edhe për lidhjen me mjekun e familjes ose për mënyrën se si do të merren medikamentet e rimbursueshme. Ju lutem qytetarëve, vazhdoni të qëndroni në shtëpi sepse vetëm kështu mund ta përballojmë këtë sfidë!", apeloi zv.ministrja e Shëndetësisë, Mira Rakacolli.
Shpërndarja gjeografike e rasteve pozitive:
- Tiranë 121 raste
- Durrës 12 raste
- Lushnje 4 raste
- Elbasan 5 raste
- Fier 22 raste
- Kavajë 4 raste
- Rrogozhinë 2 raste
- Korçë 12 raste
- Vlorë 5 raste
- Shkodër 5 raste
- Lezhë 5 raste
- Berat 1 rast
- Has 2 raste
- Krujë 5 raste
-Tropojë 3 raste
- Pukë 3 raste
- Mirditë 1 rast
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.