Gjatë 24 orëve të fundit janë konfirmuar 14 raste të reja me Covid-19. Genta Qirjako nga Instituti i Shëndetit Publik, ka deklaruar se janë shtuar shtrimet në Spitalin Infektiv.
Nga rastet e konfirmuara janë, 10 raste në Tiranë, 2 raste në Shkodër, 1 në Krujë, 1 në Durrës.
"Rastet e konfirmuara në 24 orët e fundit janë kontakte familjare te rasteve pozitive dhe disa raste të reja në proces hetimi. Pjesa më e madhe e të prekurve në 24 orët e fundit janë simptomatikë, me shenja klinike të Covid19. Gjatë 24 orëve të fundit janë shëruar 13 qytetarë, duke e çuar në 938 numrin e të shëruarve që nga fillimi epidemisë. Në vendin tonë janë aktualisht 274 persona aktivë me COVID19, rreth 70% e të cilëve janë në Tiranë," u shpreh Qirijako.
Mjekja tha se nga fillimi i epidemisë janë kryer mbi 18 mijë testime molekulare dhe serologjike dhe janë konfirmuar pozitivë 1246 raste, ndërsa pozitiviteti në QSUT vijon të jetë 7%.
Si çdo ditë edhe Qirijao bëri thirrje për kujdesin që duhet të tregojnë qytetarët, duke mbajtur distancim social dhe higjienën vetjake.
"Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19," shtoi mjekja.
Shpërndarja gjeografike e rasteve aktive është:
Tiranë 187
Krujë 24
Shkodër 19
Kamëz 14
Durrës 10
Mat 9
Lushnje 6
Tropojë 2
Korçë 1
Librazhd 1
Mallakastër 1
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.