.png)
Një javë më parë avokati Alban Bengasi, i cili u ndalua sot në aeroportin e Rinasit, pas zbarkimit nga Dubai, i kishte kërkuar SPAK-ut që të tërhiqte pezullonte kërkimin ndërkombëtar, me qëllim që ai të kthehej në Shqipëri për t’u vënë në dispozicion të organeve të drejtësisë. Avokati Bengasi është arrestuar pas dëshmive të Nuredin Dumanit, të penduarit të drejtësisë, i cili ka pohuar se është paguar prej avokatit 120 mijë euro për t’i rrahur dhe më pas vrarë bashkëshorten Blerta Bengasi.
Në shkresën drejtuar SPAK-ut thuhet se Bengasi është rezident në shtetin e Dubait prej datës 07.06.2022 dhe pas shpalljes në kërkim ai kërkonte që të vetëdorëzohej pranë autoriteteve shqiptare për t’u vëne në dispozicion të Institucioneve të Drejtësisë si SPAK dhe GJKKO për t‘u përballur me procedurat hetimore dhe gjyqësore në ngarkimin e tij për çfarë ai dyshohet.
Sipas gazetës ‘Panorama’, avokati Alban Bengasi i shpallur në kërkim në kuadër të operacionit Plumbi i Artë pasi i ofroi Nuredin Dumanit dhe njerëzve të tij 120 mijë euro për të eliminuar bashkëshorten e tij, është arrestuar këtë mërkurë në aeroportin e Rinasit teksa po hynte në Shqipëri.
Bengasi po kthehej nga Dubai, kur gjatë përpunimit të dokumentacionit të pasagjerëve, shërbimet e Policisë e identifikuan dhe e ndaluan pasi rezultoi i shpallur në kërkim.
Shkresa e plotë:
Të nderuar Prokurorë !
Pranë Prokurorisë së Posaçme kundër Korrupsionit dhe Krimit të Organizuar Tiranë (SPAK) në muajin maj të Vitit 2022 është regjistruar procedimi penal në ngarkim të shtetasit që unë përfaqësoj Alban Bengasi, i dyshuar per veprën penale të “Dhunës në familje” parashikuar nga neni 130/a/l i Kodit Penal kryer në bashkëpunimin e posaçëm ne formën e grupit te strukturuar kriminal “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale*, parashikuar nga nenet 130/a/1, 28/4, 333/a dhe 334 të Kodit Penal Posacme e Shkallës së Parë kundra
Gjykata e Korrupsionit dhe Krimit t Organizuar Tiranë me vendimin e saj Nr.45 datë 17.05.2022 ka vendosur caktimin e masës së sigurimit Arrest në burg” ně mungesë për personin nën hetim Alban Bengasi i dyshuar për veprën penale të parashikuar nga neni 130/a/1, 28/4, 333/a dhe 334 të Kodit Penal
Duke qënë se ka një masë sigurimi ” Arrest në burg” në mungesë ndaj tij është bërë edhe shpallja e tij në kërkim ndërkombëtar Por duke qenë se shtetasi Alban Bengasi është rezident ne shtetin e Dubait prej datës 07.06.2022 dhe i pajisur me ID Number 784-1973-2683597-8 nga ky shtet, ky shtetas kẽrkon të vetëdorëzohet pranë autoriteteve shqiptare per tu věnë në dispozicion të Institucioneve të Drejtësisë si SPAK dhe GJKKO per tu përballur me procedurat hetimore dhe gjyqësore në ngarkimin e tij per cfarë ai dyshohet.
Për këtë vetëdorëzim kemi njoftuar edhe Ambasadën Shqiptare në Emiratet e Bashkuara Arabe
Por për tu berë e mundur ardhja e tij nga shteti i Dubait për në shtetin shqiptar kërkojmë nga ana juaj të pezulloni kërkimin ndërkombëtar për këtë shtetas vetëm për qëllim që ai të mund të udhëtojë nga Dubai për në Shqipëri, në ditën dhe orët që do të vendosni ju.
E bëjmë këtë kërkesë pasi midis shtetit Shqiptar dhe atij te Dubait nuk ka marrëveshje ekstradimi midis këtyre dy vendeve.
Kërkoj që kjo kërkesë të trajtohet në mënyrë sa më të shpejtë nga ana juaj duke komunikuar me Interpol Tirana për çfarë ne kërkuam më sipër duke bërë anulimin e kërkimit ndërkombëtar të përkohshëm për këtë shtetas për qëllimin e vetëdorëzimit dhe transportit nga Dubai për në Shqipëri të personit nën hetim Alban Bengasi“.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
