.png)
Gjatë 24 orëve të fundit janë konfirmuar edhe 12 raste të reja me COVID-19. Zëvendësministrja e Shëndetësisë dhe e Mbrojtjes Sociale, Mira Rakaçolli ka bërë me dije se rastet e reja kanë rezultuar si pasojë e hetimit epidemiologjik, në Fier, Krujë Kamëz dhe Shkodër.
Zëvendësministrja Rakaçolli bëri me dije se nga të gjithë personat e infektuar , janë shëruar 595 persona dhe vazhdojnë të jenë aktivë 206 persona.
“Në dy spitalet COVID, në spitalin infektiv dhe spitalin “Shefqet Ndroqi”, aktualisht janë të shtruar 36 pacientë dhe vetëm 8 prej tyre janë në terapi intensive. Pjesa tjetër po ndiqen nga mjeku i familjes ose janë asimptomatikë. Situata epidemiologjike e infeksionit Sars Cov 2 dhe sëmundjen Covid 19 në Shqipëri, po monitorohet me shumë kujdes nga të gjitha strukturat shëndetësore,” tha Rakacolli.
Ndër të tjera zëvendësministrja shtoi se duke u lehtësuar masat është rritur vigjilenca për gjurmimin, testimin në kohë të rasteve të dyshuara.
“Ftojmë qytetarët të mos neglizhojnë shenjat e COVID19 dhe të telefonojnë menjëherë urgjencën kombëtare 127 në rast se kanë dyshime se janë të prekur nga ky virus. Për të kontaktuar mjekun e familjes, për pyetje në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40,” tha me tej zëvendësministrja.
Ndërkohë shpërndarja gjeografike e rasteve aktive vijon:
Tiranë 98 raste
Krujë 69 raste
Shkodër 16 raste
Kamëz 6 raste
Kurbin 4 raste
Elbasan 3 raste
Fier 3 raste
Mirditë 2 raste
Berat 2 raste
Durrës 1 rast
Korçë 1 rast
Lezhë 1 rast
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
