Nga Gazeta 'SI' - 565 mijë të huaj e vizituan Shqipërinë gjatë marsit 2024, duke u rritur me pothuajse 50% nga marsi 2023. Në tre muaj, 1.5 mln të huaj hynë në territorin shqiptar.
INSTAT raporton se në total, bashkë me shqiptarët, në Shqipëri u futën 1.15 mln vizitorë në muajin mars. Ky tregues është rritur me 36%.
Daljet për të njëjtën periudhë janë në nivele të përafërta me hyrjet.
Vizitorët nga Europa janë ata që kryesojnë listën e hyrjeve në Shqipëri, me 540 mijë, pasuar nga Amerika me 14.3 mijë dhe Azia e Paqësori me 5.2 mijë.
Rritje pothuajse të njëjtë, rreth 45% në raport vjetor, kanë shënuar vizitorët për qëllime personale dhe për pushime. Ndërkohë ka një rritje më shumë se 100% të udhëtarëve të biznesit. Ata që e përdorin Shqipërinë si vend tranziti janë shtuar me 53% në mars.
2024-a pritet të jetë vit i mbarë për sektorin turistik në vend, ndikuar nga promovimi ndërkombëtar i Shqipërisë si një destinacion i përballueshëm dhe i bukur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.