.png)
Nga Gazeta 'Si'- Një zyrtar i lartë ushtarak britanik ka deklaruar se Ushtria Britanike është gati ta luftojë Rusinë menjëherë nëse ajo sulmon një tjetër shtet evropian përveç Ukrainës.
Gjenerali i Lejtnant, Sir Rob Magowan, nënkryetar i stafit të mbrojtjes, theksoi se Britania nuk do të heqë dorë kurrë nga mbrojtja e aleatëve të saj, përballë kërcënimeve në rritje nga Vladimir Putin.
Gjatë një seance në Komitetin e Mbrojtjes në Dhomën e Komunave, Sir Rob tha: "Nëse Ushtria Britanike do të kërkohej të luftonte sonte, ajo do të luftonte sonte." Ai theksoi se nëse Rusia do të sulmonte Evropën Lindore, Britania do të ishte e gatshme për t'u angazhuar në atë luftë.
Ndërkohë, Sekretarja e Brendshme Yvette Cooper ka shprehur shqetësimin për gjuhën agresive dhe sfiduese të Putinit, duke e cilësuar atë si "të papranueshme".
Në një adresim televiziv, Putin tha se Rusia ndjehet e autorizuar të përdorë armët e saj ndaj objekteve ushtarake të atyre vendeve që lejojnë përdorimin e armëve të tyre kundër objekteve ruse.
Shtetet e Bashkuara dhe Britania janë raportuar se kanë lejuar përdorimin e armëve të tyre nga forcat ukrainase për të goditur objektiva në territorin rus. Presidenti ukrainas Volodymyr Zelensky e quajti përdorimin e armëve të reja nga Rusia një "eskalim të qartë dhe serioz" të luftës, duke theksuar se Rusia nuk ka asnjë interes për paqe. Ai kritikoi Putinin për zgjatjen e konfliktit dhe për sfidimin e atyre që dëshirojnë një rikthim në paqe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
