Prodhuesi i vaksinës kineze Sinovac (që po përdoret gjerësisht në Shqipëri) thotë se vaksina e saj është miratuar për përdorim tek fëmijët e moshës 3 vjeç e lart
Kina ka aprovuar përdorimin emergjent të vaksinës CoronaVac me prodhues Sinovac për të gjithë moshat duke filluar nga 3 vjeç.
Lajmi është konfirmuar nga një zëdhënës i kompanisë Sinovac për AFP.
Një vendim i tillë do ta bënte Kinën vendin e parë në botë që ofron vaksinë antiCOVID për fëmijët në moshë kaq të vogël
Kompania ka përfunduar provat e fazës së tretë klinike për fëmijët dhe adoleshentët, dhe rezultatet pritet të publikohen së shpejti në revistën shkencore Lancet.
Një zëdhënës i vaksinës tjetër të madhe të Kinës, Sinopharm, tha se ekspertët kishin demonstruar efektivitetin e vaksinës së saj tek fëmijët, por nuk konfirmuan nëse ishte aprovuar edhe kjo vaksinë për përdorim
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.