Një zjarr ka përfshirë kodrat e Peshtanit mesditën e së premtes në Fier. Mësohet se flakët po përhapen në një zonë të pyllëzuar dhe deri tani janë djegur disa parcela me ullishte.
Zjarri po përhapet me shpejtësi dhe po i afrohet pyllit me pisha që është aty pranë. Flakët kanë përfshirë edhe kodrat e Likovunit, aty ku janë vendosur antenat televizive dhe të telefonisë celulare.
Zjarrfikësit e Fierit janë në vendngjarje, por ndërhyrja me mjete është e pamundur për shkak të terrenit të thyer. Po ashtu era e vështirëson edhe më shumë shuarjen e zjarrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.