.png)
Nga Gazeta Si- Zbardhen detaje të reja nga zhdukja e 34-vjeçarit Egland Koçi, më datë 4 qershor, ku i dyshuar është shoku i tij, Armand Shakaj.
Enea Zyferi, i cili është lënë në burg si përkrahës i autorit, ka mohuar që të jetë i përfshirë në rrëmbimin e Eglant Koçit.
Zyferi thotë se punon në lokalin e Shakajt, si kamerier, dhe ditën që është zhduk 34-vjeçari e ka parë kur ka hyrë në lokal por më pas nuk e ka parë më, nëse ishte larguar apo jo.
“Ndërkohë Armand Shakaj më ka thënë që të fikja dritat e lokalit, për shkak se kishte për të nxjerrë një frigorifer, unë i kam fikur dritat. Të nesërmen Armandi më ka thënë që të shkoj të laja makinën në një vend larg andej diku nga fundi i bulevardit të ri. Kam shkuar atje dhe me ka kapur policia. Unë nuk kam lidhje më këtë ngjarje”, ka thënë ai.
Ndërkohë, nga kamerat e sigurisë vërehet se pasi janë fikur dritat, Shakaj shikohet duke tërhequr diçka në dukje qesë e zezë të cilën e ka futur në makinë dhe është larguar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje