.png)
WTA, shoqata që bashkon të gjitha lojtaret e tenisit, ka bërë me dije me anë të një komunikate zyrtare “pezullimin e menjëhershëm të të gjitha aktiviteteve në Kinë dhe Hong Kong”. Një vendim që vjen pas situatës së paqartë në lidhje me tenisten kineze, Peng Shuai, e zhdukur pak javë më parë, pasi akuzoi publikisht për dhunë seksuale ish-zv.kryeministrin e Kinës, Zhang Gaoli.
"Nuk mund t’u kërkoj sportisteve tona të garojnë atje, - ka shpjeguar administratori i WTA-së, Steve Simon. – Në situatën aktuale jam shumë i shqetësuar për rreziqet që lojtaret dhe stafi ynë mund të kenë, nëse organizojmë evente në Kinë në 2022-shin".
Nuk ka bindur, me sa duket, Peng Shuai, e cila ka folur në një videokonferencë me presidentin e Komitetit Olimpik Ndërkombëtar (CIO), Thomas Bach, duke e siguruar këtë të fundit se është mirë.
"Për të mbrojtur Peng dhe shumë femra të tjera është e nevojshme që njerëzit të flasin lirisht. WTa do të bëjë gjithçka që është e mundur për të mbrojtur lojtaret e saj. Shpresoj ndërkohë që lifderët e gjithë botës të vazhdojnë të flasin, në mënyrë që Peng dhe gjithë të tjerat të mund të kenë drejtësi”, - ka shtuar Simon.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
