.png)
Nëse Letizia Battaglia, mund t'u tregojë amerikanëve një gjë, është që të ndalojnë së shikuari "The Sopranos" (“Sopranot”, një serial amerikan, që tregon jetën e një familjeje mafioze italo-amerikane në Nju Xhersi, e udhëhequr nga Toni Soprano).
"Amerikanët e duan ‘The Sopranos’, - thotë fotografja siciliane për CNN. - Ata nuk besojnë se mafia është si ata që shohin në TV, por është e rrezikshme si ISIS".
Battaglia duhet ta dinte. 81-vjeçarja ka kaluar pjesën më të madhe të jetës së saj duke dokumentuar efektet shkatërruese të krimit të organizuar dhe korrupsionit në Siçili dhe thotë se i duket e mrekullueshme ngjashmëria midis ISIS-it dhe Mafies.
"Kur shoh ushtarë të ISIS-it, ndihem sikur janë pak si mafiozë, - thotë Battaglia. - Ata nuk duan t’ia dinë për jetën e tyre. Mafia nuk jep asgjë për asgjë, përveç interesave dhe parave të tyre dhe nuk u intereson se kë lëndojnë gjatë rrugës”.
Battaglia e filloi karrierën e saj vonë, duke pritur derisa fëmijët e saj të ishin rritur para se ajo të ndiqte vërtet qëllimin për t'u bërë një shkrimtare. Për Battaglian, kjo do të thoshte ta linte burrin e saj në vitin 1971 dhe të transferohej në Milano, ku ajo filloi të punonte në biznesin e gazetave.
Disi kontroverse, ishte puna e saj me fjalët e shkruara që do ta katapultonte më pas drejt fotografisë. "Unë propozova disa artikuj dhe ata thanë, ‘po fotografitë?’... Kështu që bleva një aparat fotografik”, - tha ajo për CNN.
Disa vjet më vonë, një gazetë antimafia dhe anti-fashiste, i ofroi asaj një punë si fotografe në Palermo, Siçili. Battaglia e pranoi ofertën dhe u kthye në qytetin e saj të lindjes, ku do të kalonte disa dekada, duke dokumentuar bukurinë dhe brutalitetin që përcaktoi jetën e siçilianëve.
Battaglia nuk mund të kishte zgjedhur një kohë më të mirë për të nisur shërbimin e saj si fotoreportere. Përgjatë kësaj kohe, kur ajo filloi karrierën e saj me seriozitet, mafia siçiliane nisi kalimin nga krimi i organizuar, në tregtinë e heroinës, duke shkaktuar shumë viktima.
"Pati një rritje eksponenciale të dhunës mafioze rreth kohës kur Letizia Battaglia nisi këtë punë”, - i tha CNN, John Dickie, profesor i Studimeve Italiane në University College në Londër.
Në të vërtetë, nga vitet 1980, mafia siçiliane kontrollonte afërsisht 80% të tregtisë së heroinës në veri-lindje të Shteteve të Bashkuara të Amerikës, të cilët anëtarët e saj, shpesh do ta shpërndanin përmes dyqaneve të picerive të zotëruara nga mafia.
Ndërsa këto ekonomi të paligjshme u zgjeruan, klanet mafioze do të bashkoheshin dhe luftonin me njëri-tjetrin në mënyrë që të kontrollonin tregtinë e narkotikëve dhe kështu të kapnin pasurinë e saj.
Nga viti 1981 deri në 1983-in, ajo që u bë e njohur si Lufta e Dytë e Mafies, do të merrte mijëra jetë, përfshirë ato të gazetarëve, policisë dhe zyrtarëve të zgjedhur.
Lufta mbaroi vetëm kur klani famëkeq “Corleonese” vrau mjaft kundërshtarë të tij për të fituar kontrollin e mafies.
Përshtati në shqip: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
