.png)
Gazeta Si - Një "shtëpi bari" u zbulua në Malësi të Madhe, ku u arrestua 23-vjeçari me iniciale Xh.Gj., ndërsa është shpallur në kërkim F.M., pronari i banesës dykatëshe, ku kultivohej kanabisi.
Policia e Skodrës thotë se nën hetim janë vënë edhe pesë punonjës të OSHEE-së për shpërdorim detyre. Gjatë kontrollit të ushtruar në një banesë dykatëshe në fshatin Bzhetë, në një ambient të përshtatur me llamba, u gjetën të kultivuara 145 bimë të dyshuara narkotike kanabis, një sasi lënde e dyshuar narkotike kanabis 64 llampa, 64 rritës energjie dhe sende të tjera që shërbenin për kultivimin.
Në pranga ra 23-vjeçari Xh. Gj. dhe është shpallur në kërkim 30-vjeçari i cili është pronari i kësaj banese.
Gjithashtu kanë referuar materialet në Prokurori ku ka nisur procedimi në gjendje të lirë për shtetasit E. C., 35 vjeç, A. H., 51 vjeç, P. Z., 54 vjeç, P. S., 61 vjeç dhe S. H., 55 vjeç, të gjithë punonjës të OSHEE-së, për veprën penale “Shpërdorimi i detyrës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
