.png)
Në “Toyota Center”, skuadra kampione në fuqi e NBA iu dominoi përballë teksanëve, duke i mposhtur para publikut të tyre me rezultatin 119-106. Houston dominoi gjatë gjithë kohës Konferencën e Perëndimit në sezonin e rregullt, por kur bëhet fjalë për finalen e kësaj konference, gjërat ndryshojnë dhe Warriors u kujton menjëherë të gjithëve se si ka mundur që të dominojë gjatë 3 viteve të fundit.
Ndeshja e parë finale me Rockets ishte argëtuese, duke i realizuar pritshmëritë. Fillimi ishte më i mirë për Houston, për të cilin Harden shënoi vazhdimisht. Në fundin e pjesës së parë ai ishte në kuotën e 24 pikëve. Por, Golden State me kalimin e minutave filloi të tregojë forcën e saj falë Durant, Thompson e Stephen Curry dhe skuadrat shkuan në pushimin e ndeshjes me barazimin 56-56.
Në periodën e tretë, Golden State rriti ritmin e lojës duke marrë edhe arratinë në rezultat. Harden, i ndihmuar edhe nga Chris Paul, bënë gjithçka mundën që Houston të përballojë lojën e Warriors, por të besuarit e Steve Kerr nuk gabuan më asgjë, duke marrë fitoren e parë në këtë seri finalesh ndaj Rockets, së cilës nuk i shërbyen 41 pikët e James Harden.
Në krahun tjetër, te Golden State, Kevin Durant shënoi 37 pikë, ndërsa Klay Thompson e mbylli sfidën me 28 pikë.
Ndeshja e dytë mes Houston e Golden State do të luhet mbrëmjen e së mërkurës, sërish në “Toyota Center”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
