.png)
Një ish-polic, 58-vjeç, u ekzekutua me armë zjarri orët e vona të së enjtes në fshatin Reç të Malësisë së Madhe. Viktimë e atentatit ka mbetur Sokol Çelaj, i cili po udhëtonte me makinë, kur u qëllua në rrethana ende të paqarta.
Çelaj u dërgua në spitalin e Shkodrës, por pavarësisht ndërhyrjes së mjekëve nuk mundi të mbijetonte dhe ndërroi jetë si pasojë e plagëve.
Atentati i është bërë teksa ka qenë duke lëvizur me makinën e tij, bashkë me bashkëshorten e tij. Autori i ka dalë para makinës dhe ka qëlluar disa herë me armë zjarri kallashnikov në drejtim të mjetit tip "Benz" foristradë me targa angleze.
Çelaj, nga Reçi i Malësisë së Madhe, po udhetonte me mjetin e tij në drejtim të banesës rreth 50 m larg vendit ku ka ndodhur ngjarja.
Rezulton se Çelaj ka qënë për disa vite pjesë e radhëve të Policisë së Shtetit. Ai prej disa vitesh jetonte në Angli, ku së fundi ishte kthyer në Shqipëri, duke punuar në restorantet e Malësisësë Madhe.
Rezulton se viktima ka kryer një vrasje para viteve '90, ngjarje që asokohe u cilësua si e ndodhur nga pakujdesia. Gjykata asokohe e dënoi me 6 vite burg dhe më pas ai ka emigruar në Britani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
