.png)
Gjykata e Apelit Tiranë dënoi përfundimisht me 9 vjet burgim Violeta Donajn, 38-vjeçaren e cila vrau në vitin 2018 bashkëshortin e saj, Kujtim Donaj.
Ngjarja e rëndë ndodhi tek tregu i Milotit, ku Violeta qëlloi 4 herë me pistoletë burrin. Në njoftimin e Gjykatës së Apelit thuhet se, Donaj u deklarua fajtore për kryerjen e veprës penale “Vrasje e kryer në kushtet e tronditjes së fortë psikike”.
Më 9 tetor 2020 Gjykata e Kurbinit e kishte dënuar me 17 vite burg për kryerjen e e veprës penale “Vrasja për shkak të marrëdhënieve familjare”, “Prodhim dhe mbajtja pa leje e armëve, armëve shpërthyese dhe municionit”.
Violeta Donaj e kreu vrasjen e bashkëshortit në një tezgë të tregut të Milotit, ku çifti shiste çdo fundjavë rroba të përdorura për të ushqyer familjen.
Ngjarja e rëndë ndodhi rreth orës 7 të mëngjesit të së dielës, 17 gusht 2018. Çifti Donaj, prindër të dy fëmijëve.
Pasi ka qëlluar me katër plumba ndaj Kujtim Donaj, 35 vjeçarja tentoi të largohet, por u vu në pranga nga policia.
Në dëshminë e parë që u publikua në media, gruaja kishte thënë se bashkëshorti i saj luante bixhioz dhe ishte xheloz, situatë kjo që shkaktonte debate në familje dhe që e detyroi atë të kryente krimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
