Komuniteti fetar në Shkodër ka reaguar sërish për situatën kriminale pas vrasjes së Fatos Ferracakut dhe plagosjes së një personi tjetër.
“Shkodra është zhytur nga një mjegullnajë e zezë, ku krimi, korrupsioni, vjedhja, fajdet kanë për qëllim të bëjnë ligjin e t’ia ndryshojnë identitetin këtij qyteti, prandaj e kemi për borxh kombëtar e moral t’i kthejmë vlerat e besimit”, u shpreh Muhamed Sytari, myftiu i Shkodrës.
Me këtë mesazh ju drejtua besimtarëve myftiu i Shkodrës, gjatë inaugurimit të një xhamie të re në këtë qytet, tek ura e Bunës.
Vrasja në mes të qytetit ka tronditur opinionin publik si dhe rendin dhe sigurinë në qytetin e Shkodrës. Më herët, mesazhe të ngjashme ka dhënë dhe komuniteti i krishterë ku në thelb ishte bashkëjetesa e mirë si dhe largimi nga veset që dëmtojnë shoqërinë si dhe ndalimin e vrasjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.