Për shkak të kushteve të këqija atmosferike të motit, i shoqëruar me erë të fortë dhe shi, ka pasur vonesa të lëvizjes së trageteve në vend.
Në portin e Durrësit, trageti “Golden Bridge” i parashikuar për t’u nisur mbrëmjen e djeshme rreth orës 23:00, ka lënë portin e Durrësit rreth orës 02:00 të kësaj të enjteje (9 dhjetor).
“Rigel III” i parashikuar po ashtu për t’u nisur në orën 23:00 nuk është nisur fare. Ndërkaq, në portin e Durrësit nuk është ankoruar ende asnjë traget që vjen nga Bari.
Burime nga kapiteneria bëjnë me dije se moti i keq në shtetin fqinj ka shkaktuar vonesa për lundrimin e trageteve të linjës Bari-Durrës.
Edhe Kapiteneria e Vlorës nën varsi të kushteve meterologjike njofton sërish pezullimin e lundrimit detar për mjetet e vogla lundruese si dhe mjetet e peshkimit.
Është ndaluar dhënia e leje-nisjes e të gjitha mjeteve të vogla lundruese , anijeve të peshkimit që operojnë jashtë Gjirit të Vlorës dhe marrjen e masave për sigurimin e tyre.
Për shkak te kushteve hidrometeorologjike te përkeqësuara, trageti i linjës Vlorë-Brindizi-Vlorë, ka mbërritur në portin e Vlorës, por nuk është ankoruar dhe po qëndron në radë. Me përmirësimin e kushteve hidrometeorologjike, pritet ankorimi i tij dhe zbritja e pasagjerëve dhe automjeteve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.