Lojra me Dore

Volejboll femra/ Partizani zhgënjen edhe në kryeqytet ndaj hungarezeve

Nuk ka asnjë mrekulli nga Partizani i volejbollit të femrave. Vajzat e ekipit të kuq janë mundur edhe në ndeshjen e kthimit të turit të tretë të Ligës së Kampioneve me të njëjtin rezultat, 0-3. Hungarezet e Vashash Obuda treguan qartë se ishin më të forta se Partizani, duke mos i lënë asnjë set ekipit shqiptar.

Pavarësisht mbështetjes së publikut në “Feti Borova”, Partizani nuk mundi të bënte asgjë, sepse dominimi i ekipit mik ishte total. Rezultati dhe pikët flasin qartë. Vashash Obuda e fitoi setin e parë 19-25, të dytin 17-25 dhe të tretin 16-25. Statistikat flasin qartë për diferencën mes dy skuadrave.

Mbyllet këtu ëndrra e Partizanit, që arriti të kualifikohej ndaj boshnjakeve të Jedinstvo, por me hungarezët e kishte vërtet të pamundur.

 

Më Shumë