Gazeta Si - Ardian Isufi, i liruar pak ditë më parë falë Aministisë Penale, ku përfituan me qindra të dënuar në Shqipëri, është rikthyer sërish në burg.
Për ironi të fatit, i riu, sapo kishte lënë qelinë në burgun e Drenovës, vodhi një automjet tip "Ford" në qytetin e Korçës.
Këtë të hënë, gjykata vendosi ta lërë në masën e sigurisë “arrest në burg” Isufin, duke pranuar kërkesën e Prokurorisë së Korçës.
Isufi u arrestua pak orë më vonë, pasi kreu vjedhjen e automjetit në një nga furgonat e linjës "Korçë - Tiranë", me të cilën kërkonte të arratisej drejt kryeqytetit.
Ai ka qenë i dënuar për vjedhje (automjetesh) dhe e vuante dënimin në burgun e Drenovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.