Një 43-vjeçar me precedent të mëparshëm penal, është arrestuar në Lushnjë me akuzën e vjedhjes. Bëhet e ditur se në lagjen “18 Tetori” është vjedhur lokali në pronësi të shtetases T.H., ndërsa policia identifikoi si autor të dyshuar, Gazment Kiptiun, banues në Lushnjë, i dënuar më parë për vjedhje.
Gjatë shoqërimit të tij për në Komisariat, 43-vjeçari nuk i është bindur urdhrit të policisë. Nga ana tjetër, edhe familjarët e të ndaluarit, M.G., 37 vjeçe, E.K. 20 vjeçe, Sh.K. 65 vjeçe dhe R.Xh., 19 vjeç, kanë kundërshtuar efektivët, duke i penguar në kryerjen shoqërimit. Policia ka vendosur t’i procedojë penalisht ata pas këtij episodi.
Gjatë kontrollit të banesës, u gjet dhe sekuestrua shuma e parave të vjedhura, 1 celularë, 1 ipad dhe disa paketa cigare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.