Gazeta Si - Një 34-vjeçare në Tiranë ka rënë në pranga, pasi akuzohet se ka vjedhur një shumë të konsiderueshme parash në pikën e këmbimit valutor ku ishte e punësuar. Sakaq është shpallur në kërkim bashkëpunëtori i saj.
Policia thotë se falë operacionit policor të koduar "Valuta", u arrestua 34- vjeçarja me inicialet B.Sh., banuese në Tiranë. Gjithashtu, u shpall në kërkim shtetasi Y. K., 42 vjeç, banues në Fier.
“Shtetasja B. Sh. ishte e punësuar në një subjekt këmbimi valutor, në pronësi të shtetases D. K. Nga verifikimet e kryera ka rezultuar se gjatë javës së fundit të muajit korrik, kjo shtetase, në bashkëpunim me shtetasin Y. K., ka vjedhur 900.000 lekë të rinj, në këtë subjekt. Punohet për kapjen e shtetasit Y. K”, njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.