Tre raste vjedhjesh të kishave të ndodhura në dy ditët e fundit në Korçë, janë zbardhur nga policia. Në një njoftim zyrtar, mësohet se janë proceduar penalisht dy autorët e dyshuar: A.S., 17 vjeç, i dënuar më parë për vjedhje dhe D.S. 16 vjeç, banues në fshatin Goskovë.
Nga hetimet rezulton se dy të akuzuarit, në bashkëpunim me njëri-tjetrin, kanë vjedhur në kishën e fshatit Ravonik 5.000 lekë dhe një kasafortë metalike, në kishën e fshatit Porodinë 1.500 lekë, si edhe kanë tentuar të vjedhin një objekt kulti në rrugën Polenë-Dërsnik.
Në cilësinë e provës materiale u gjetën dhe sekuestruan prova që dokumentojnë autorësinë e dy shtetasve në këto vepra penale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.