Gazeta Si- Tre të rinj janë arrestuar në Vlorë, pasi dyshohet se kishin kryer dy vjedhje nën kërcënimin e një pistolete me silenciator.
Policia thotë se ata i kishin vjedhur një shumë parash dhe një aparat celular, dy shtetasve.
Më pas, u larguan në një pikë karburanti, dhe nën kërcënimin e kësaj arme imituese, kishin vjedhur xhiron ditore.
Sipas policisë, ata u kapën në në lagjen “10 Korriku” dhe në pranga ranë tre autorët e dyshuar: A. M., 20 vjeç, një 16-vjeçar dhe një 17-vjeçar.
Në cilësinë e provës materiale u sekuestruan një armë imituese pistoletë me silenciator, një shumë parash, portofoli dhe aparati celular, të dyshuar të vjedhura, një mjet prerës (thikë), 2 maska mjekësore dhe automjeti tip “Audi” që autorët kanë përdorur për t’u larguar nga vendi i ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.