.png)
Nga Gazeta Si- Studentët e Mjekësisë vijojnë bojkotin dhe protestat duke kundërshtuar ligjin e miratuar nga qeveria që i detyron të punojnë për 5 vite në Shqipëri, pas përfundimit të studimeve.
Ditën e sotme ishte viti i parë që protestoi, të mbështetur dhe nga vitet e tjera të studentëve.
Duke folur për median jashtë godinës ku zhvillohet mësimi, studentët e vitit të parë deklaruan se janë në mbështetje dhe në një hap me studentët e vitit të parë.
LEXO EDHE:
Nuk ka më bojkot të plotë tek mjekësia, vitet e para në mësim. Manastirliu nuk tërhiqet
“Viti i parë është bashkë në çdo lloj hapi bashkë me grupet e tjera. Për aq kohë sa nuk na është dhënë asnjë kontratë, ne do të protestojmë dhe nuk do futemi në leksione derisa ky ligj të shfuqizohet”, tha një nga studentët e vitit të parë.
Lajmit se studentët e vitit të parë janë kthyer në mësim ai i është përgjigjur duke thënë se vetëm 10% e studentëve janë futur në mësim dhe kjo shifër nuk përfaqëson gjithë studentët.
“Janë vetëm 10% e studentëve që vazhdojnë me mësimin por kjo shifër nuk përfaqëson të gjithë studentët e vitit të parë. Ato shkojnë në mësim sepse kështu e mendojnë. Nga pedagogët nuk kemi asnjë presion, ato kanë vlerësuar çdo vendim që ne kemi marrë”, tha studenti.
Këtë vit kishte 400 kuota të lira të cilat u plotësuan ndër të parat.
“Sa kohë ministria dhe qeveria miratojnë ligje që janë antikushtetues dhe detyrues me natyrë diktatoriale, vendosin për jetën e studentëve pa miratimin e tyre, ne do zgjedhim më mënyrat demokratike për ta kundërshtuar. Ne duam të rrimë në Shqipëri se duam ne, jo se po na detyron shteti”, u shpreh një student tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
