.png)
Gazeta Si - Dhjetëra qytetarë janë paraqitur në spitalin e Kukësit me dhimbje barku, të vjella e temperaturë.
Mjeku Albert Shehu shpjegon se vetëm që nga mëngjesi i ditës së diel, u paraqitën të paktën 50 raste me simptoma të njëjta.
Sipas tij, shkak mund të jetë bërë ndonjë virozë e stinës, por mund edhe të kemi bëjmë me helmim nga uji ose nga frutat.
Për rastin janë njoftuar autoritetet e Shëndetit dhe pritet të merret vesh edhe shkaku.
“Ky fenomen mund të lidhet me një gjendje virale ose intoksikacion që mund të jetë nga uji, nga perimet, frutat. Ka një fluks të shtuar. Vetëm sot nga ora 08.00 e deri më tani mund të ketë mbi 50 vizita që janë bark e të vjella, ka pasur edhe temperaturë…Do ta mbajmë nën kontroll. Ka nga të gjitha grupmoshat, edhe te pediatria. Ngjarja është njoftuar, është ngritur si problem. Nuk dihet nga se është shkaktuar”, - shpjegon Shehu.
Disa prej rasteve ishin edhe nga fshati Shtiqen, në një lagje të të cilit uji dyshohet të ketë qenë i ndodur ditët e fundit.
Inspektorët e Shëndetit Publik kanë marrë mostrat në pesë pika të linjës së ujësjellësit ndërsa priten analizat në dy ditët e ardhshme.
Ujësjellësi, nga ana e tij ka bërë ndërprerjen e furnizimit me ujë për këtë lagje deri në daljen e rezultateve.
Megjithatë, rastet e urgjencave në Kukës janë nga të gjitha zonat dhe jo detyrimisht mund të përcaktohet uji si shkak për këtë situatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
