Katër punonjës të kompanisë 'Albpetrol', janë arrestuar nga Policia e Fierit, pasi janë të përfshirë në një skemë të vjedhjes së naftës në zonën e Visokës. Dyshimet janë se nafta bruto mund të jetë vjedhur me autobotë, të cilët duhet të pomponin ujë në shtresat e nëntokës.
Katër punonjësit janë arrestuar me akuzën e shpërdorimit të detyrës. Në pranga kanë rënë, Arjan Kallashi 49 vjeç, banues në Fier, me detyrë kryetar i degës teknike Alpetrol; Selami Rustemi 54 vjeç, banues në Fier, përgjegjës për mbarëvajtjen e seperatorëve dhe pompimit; Dilaver Idrizaj 56 vjeç, banues në Fier dhe Dashamir Merkaj, 54 vjeç, banues në Ballsh, punonjës të task-forcës në Alpetrol.
Efektivët e policisë të përfshirë në këtë operacion kanë bllokuar edhe dy autobote, me të cilët dyshohej se vidhej nafta nga puset.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.