.png)
Gazeta Si - Një argjendari është vjedhur gjatë natës në qendër të Tiranës në "rrugën e Dibrës", ku sipas burimeve autorët ka marrë sende me vlerë, të cilat kapin shumën deri në 10 milionë lekë.
Policia në njoftimin e saj thotë se po punon për identifikimin dhe kapjen e autorëve të vjedhjes.
Sipas burimeve, mësohet se ka qenë një autor i vetëm, cili ka mundur të hyjë në argjendari nga pjesa e sipërme e tarracës, ka krijuar një vrimë dhe ka depërtuar brenda.
Agjentët e Komisariatit nr. 4 po punojnë për identifikimin e tij, janë mbledhur pamjet e kamerave të sigurisë dhe po analizohen.
"Më datë 14.03.2024, në Rrugën e Dibrës, gjatë natës, persona ende të paidentifikuar, kanë vjedhur disa aksesorë floriri, në argjendarinë e shtetases. Grupi hetimor po punon për identifikimin dhe kapjen e autorëve të ngjarjes", - thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
