.png)
Në jetën e përditshme është një pengesë jo e vogël. Të jesh 226 centimetra e gjatë dhe vetëm 14 vjeç, jo vetëm që nuk mund të kalosh pa u vënë re nga të tjerët, por mund të hasësh vështirësi të mëdha përshtatshmërie. Në terrenin e vet mund të ndhet vetëm në ato 28 metra gjatë dhe 15 gjerësi të parketit, ku gjatësia është një avantazh, sidomos kur je një kokë mbi të tjerët.
Zhang Ziyu i dominon të gjitha kundërshtaret nga lart, siç ka treguar në turneun e Jingzhou, në finalen e U-15. Shifrat e saj janë të jashtëzakonshme, si të një ylli të NBA-së: 42 pikë, 25 ribaunde dhe 6 stopime. Diçka shumë e lehtë, duke parë diferencën në gjatësi me rivalet. Një video që tregon Ziyu gjatë finales është bërë virale në pak orë, duke kaluar 3 milionë e gjysmë shikime.
7’4” Zhang Ziyu is 14 YEARS OLD 🤯
— Overtime (@overtime) July 15, 2021
She put up 42 PTS, 25 REB, & 6 BLK to win China Nationals 🏆
(via @globaltimesnews) pic.twitter.com/teAAfx2F8v
Ajo ka lindur në maj të 2007-ës, në provincën e Shandong dhe që në klasën e parë ishte 157 centimetra e gjatë. Janë të pashmangshme krahasimet me Yao Ming, ish-basketbollistin e famshëm kinez që ka shkruar historinë e këtij sporti në vendin e Maos, madje ka qenë edhe një yll në NBA me Hjuston Rokets.
Të dy prindërit e Zhang kanë qenë basketbollistë, nëna Yu Ying 198 centimetra e gjatë, kurse babai, 213 centimetra i gjatë, ka luajtur edhe me kombëtaren kineze. E ardhmja e 14-vjeçares është e sigurt, ajo mund të “hakmerret” ndaj fatit që i ka dhuruar një jetë jo edhe aq normale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
