.png)
Gazeta Si – Katër shtetasit rumunë, dy djem dhe dy vajza, janë lënë në burg nga Gjykata e Vlorës, pasi u kapën me 260 kg kanabis.
Ata ishin futur në Shqipëri si turistë dhe drogën e kishin fshehur në vende të posaçme të makinave kamper, ku po udhëtonin në afërsi të Qafë Botës.
Pasi dëgjoi pretendimet e palëve Gjykata e Vlorës vendosi masën e arrestit me burg për katër shtetasit rumunë.
Bëhet fjalë për shtetasit rumunë që u arrestuan në flagrancë Marius Cimpeanu, 20 vjeç, Mihaela Cimpeanu, 20 vjeçe, Florin Tucan, 24 vjeç dhe Andreea Pislaru, 21 vjeçe.
Gjithashtu janë shpallur në kërkim 5 persona të tjerë të dyshuar si bashkëpunëtorë në rrjet të trafikut të drogës, por për arsye hetimi të dhënat e tyre nuk u bënë publike. Përveç drogës, nën sekuestro u vendosën edhe 2 kamperat e përdorur nga trafikantët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
