Ky është momenti shokues kur të paktën tre persona dalin nga një pusetë në mes të një kryqëzimi rrugor në qytetin kufitar, El Paso të Shteteve të Bashkuara të Amerikës. Video e xhiruar nga një shofer i rastit me celular, tregon se si njëri pas tjetrit emigrantë meksikanë dalin nga gjirizat për t’ia mbathur më pas në territor amerikan.
Në videon e xhiruar në kryqëzimin Bulevardit 4 dhe rrugës “S.El Paso”, vihen re edhe këmbësorë që shohin të tmerruar se si emigrantët vënë kokën në rrezik duke ia behur nga nëntoka në mes të një kryqëzimi tepër të trafikuar nga automjetet.
Edhe në muajin prill pati sinjalizime të ngjashme në këtë qytet se disa emigrantë klandestinë meksikanë shfrytëzonin kanalizimet e ujërave të zeza dhe nëpërmjet tuneleve arrinin të kalonin nga Meksika në Amerikë, në qytetin El Paso. Zëdhënësi i Policisë Kufitare i tha medias lokale se 12 persona ishin ndaluar për shkelje të paligjshme të kufirit. Sipas zëdhënësit Thomas Schwieger, policisë i ishte dashur pak kohë për të arrestuar emigrantët për shkak të grupeve të mëdha të klandestinëve me të cilët ajo duhet të përballet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.