.png)
Ashtu siç ishte parashikuar, IKMT shembi pasditen e së premtes me shpërthim të kontrolluar një pallat 6-katësh në zonën e Astirit, në Tiranë, për t’i hapur kështu rrugë projektit të Unazës së Madhe. Në trupin e objektit u hapën 250 vrima ku u vendosën 10 kg lëndë plasëse. Me shembjen e këtij objekti nuk ka me ndërtesa për t'u prishur në lotin e parë. Policia kishte bllokua zonën dhe ndaluar qarkullimin e makinave për disa orë, derisa u bë shpërthimi i telekomanduar. Ndërsa forcat zjarrëfikëse u munduan që të t'i hidhnin ujë pas shpërthimit në mënyrë për të reduktuar nivelin e lartë pluhurit.
Një ditë më parë në këtë zonë u shembën 5 objekte. Një pjesë biznese, pjesa tjetër shtëpi banimi u rrafshuan pa rezistencë nga banorët e Unazës së Re të cilët kanë protestuar prej më shumë se një viti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
