.png)
LeBron Xhejms e godet me bërryl, Stjuart reagon dhe pastaj nis përleshja masive. U desh një ndërprerje e gjatë dhe dy lojtarë të përjashtuar për të rifilluar ndeshjen, që më pas u fitua nga Los Anxheles Lejkërs.
Ka ndodhur gjithçka në “Little Caesars Arena” në Detroit, ku për disa minuta u kujtuan imazhet e ndeshjes mes Pistons dhe Pejsërs e 19 nëntorit të 2004-ës, që është një nga faqet më të shëmtuara të historisë së NBA-së. Lejkërsat fituan 121-116 një ndeshje të veçantë, që kulmoi në periodën e tretë.
Xhejms dhe Stjuart nisën përplasjen, me lojtarin e Detroit që përfundoi në tapet. Nga përsëritja u pa se LeBron Xhejms e goditi me bërryl në fytyrë dhe Stjuartit nisi t’i dilte gjak. Lojtari i Detroit mezi u mbajt nga shokët e skuadrës, trajnerët dhe personat e sigurisë, pasi deshi të hakmerrej ndaj Xhejms.
Pas shumë minutash u vendos qetësia, ndërsa Stjuart u fut në dhomat e zhveshjes për t’u rikthyer në tapet nga një hyrje tjetër. Ai u bllokua dhe ndeshja mund të rifillonte, por pas përjashtimit të LeBron Xhejmsit dhe Stjuartit.
“E dinë të gjithë se LeBron nuk është një lojtar jokorrekt dhe i dhunshëm, - tha pas ndeshjes Antoni Devis. – Ai menjëherë shkoi të pajtohej me Stjuart, por nuk e di çfarë i kapi pastaj lojtarët e Detroit”. I qëllimshëm apo jo, gjesti i Xhejms është i papranueshëm dhe duket e vështirë që lideri i Lejkërsave ta evitojë skualifikimin me të paktën një ndeshje.
Me rifillimin e lojës, Pistons, me dy të përjashtuar (edhe trajneri Uestbruk, i konsideruar nga arbitrat si provokator), nisën rënien. Lejkërsat ia dolën të përmbysnin gjithçka, duke gjetur fitoren pas tri humbjesh radhazi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
